• Increase font size
  • Default font size
  • Decrease font size
  • Mainbody Dark Theme
  • Mainbody Light Theme
  • Layout: 2 Left columns + Mainbody
  • Layout: Mainbody + 2 Right columns

STINA E DIVORCEVE

Këto ditë, Enti Poligrafik “Gjergj Fishta” në Lezhë botoi novelën më të re të shkrimtarit Skender Temali me titull “Stina e divorceve”, për të cilën biblioteka “Marin Barleti” e qytetit të Shkodrës në bashkëpunim me klubin e shkrimtarëve Shkodër, në kuadrin e veprimtarive kushtuar Ditës Botërore të Librit, organizuan promovimin e këtij vëllimi.

Ashtu si dhe tek novelat e mëparshme "Ballo në mbrëmjen e maturës", “Nesër do të them mirëmëngjes” dhe “Studentja e Bolonjës” autori i drejtohet jetës së rinisë në ditët e sotme. Megi dhe Didi, dy vajza të ditëve tona, me një botë shpirtërore të pasur, dijnë që vetë t’u bëjnë ballë sfidave të jetës dhe po vetë të mbrojnë dinjitetin e personalitetin e tyre.

Read more...
 

Mirëserdhe ne fletët e mia të internetit

Skender Temali - shkrimtar

Dy fjalë për lexuesit
Rrugën time drejt letërsisë e kam nisur me poezinë. Në gjimnaz e më pas ajo m’u bë një bashkëudhëtare, shoqe e mike e kështu, duke ecur, nuk iu ndamë njëri-tjetrit edhe tani në moshën time të tretë, se duke qenë me poezinë, ajo të bën të besosh se për poetët nuk ka moshë të tretë.

Lëvrova edhe prozën e shkurtër e më pas, novelën e romanin. U përpoqa ta lexoj jetën edhe me nëntekstet e saj.

Duke punuar mësues i gjuhës shqipe dhe i letërsisë në shkollat e mesme publike dhe jopublike të qytetit të Shkodrës për më shumë se një çerek shekulli, pata favorin të njoh nga afër botën e pasur shpirtërore të rinisë, kryesisht të trevës së Veriut, por edhe veset e këqia që mbinë si këpurdhat pas shiut në këto dy dekada tranzicioni. Tema e ditës e fati i intelektualit qenë në bazë të vëllimeve me tregime e novela, veçmas romani "Askushi", i cili ka një spektër më të gjërë të triumfit të lirisë së individit në agimet e demokracisë shqiptare.

Se sa ia kam arritur, do të më çmoni ju. Por mos më gjykoni nga shumësia e veprave të botuara, pasi letërsia është cilësi e jo sasi. Ndaj ju ftoj të lexoni veprat e plota të publikuara në internet, në faqen time.

Për të shfletuar disa nga veprat e mia, mjafton të klikoni titujt në të djathtë...

 
{jatabs type="modules" animType="animMoveHor" style="labra" position="top" widthTabs="150" heightTabs="30" width="100%" height="auto" mouseType="click" duration="1000" module="ja-tabs" }{/jatabs}