• Increase font size
  • Default font size
  • Decrease font size
  • Mainbody Dark Theme
  • Mainbody Light Theme
  • Layout: 2 Left columns + Mainbody
  • Layout: Mainbody + 2 Right columns

Poezi

Amaneti i gjahtarit

E-mail Print PDF

Nëse mirrni vesh se jam duke vdekë
Më sillni çiften me fishekë,
Se zagari
Nxiton e vjen vetë
Dhe do të shihni
Po s’erdha prap në jetë!

Pemët do i mbushin shpendët që s’kam vrarë,
Pyjet do të nisin  përgjimet e agimeve,
Ketrat, lepujt e drerët do vijnë duke qarë
Bashkë me shkrimtarët për shterrjen e tregimeve.

Më lutej familja, shoqëria, një fis: Mos vdis,
S’ke përse shkon kaq shpejt në yje,
Je heret të të bëjë shoqëri një qiparis,
Se ka ende ujqër e derra në pyje.

Atëhere vendosa t’i bindem pasionit tim
Hodha çiften në krah dhe u nisa në pyje,
Nga pas më ndiqte zagari i im
Mbi kokë më ndiqnin miliona yje!

 

Po iki…

E-mail Print PDF

Po iki.
Ku?
S’e di, por përpara do rend,
Qëndrimi në vend
Më çmend!

 

Geisha ime

E-mail Print PDF

Ndërsa ju prisni ministra,
Kryeministra
E me tapete rrugën nga avioni ua shtroni
Dhe unë dola të prisja si ju,
Kë thoni?

Unë një geisha dola të prisja
Një geishë yll nga Japonia,
Që të më mësonte ta doja jetën
Se nga shpirti më ish arratisë dashuria!

 

U bëfsh 101 vjeç!

E-mail Print PDF

Shoku im
Remigjio Laca
Për pronat ka bërë
Plot 200 seanca!

Sot pat ditlindjen,
E urova në 65-vjetor:
U bëfsh 101 vjeç
Me tapi në dorë!

Shkodër, 1 tetor 2012

 

Kopil

E-mail Print PDF

Ka kohë që në xhiro
Dy vëllezër s’sheh bashkë pijaca,
Se i sheh salla e gjyqit
Për pronat nepër seanca.

Fjalori më i ndyrë i rrugës
Për atë që Shkodra e njihte xhentil,
Pa lë n’gjuhë t’avokatit
Që në ferra mbetesh kopil!!

Kopil
Se erdh koha e rruspive
Në perendim të kohës së zotnive!

 
Page 2 of 24